Llongau a’r Môr

Mae casgliadau’r Comisiwn Brenhinol yn adlewyrchu’r cysylltiadau hir, cymhleth ac amrywiol rhwng pobl Cymru a’r môr. Cyn dyfodiad y rheilffyrdd yn y bedwaredd ganrif ar bymtheg, roedd symudiad pobl, defnyddiau crai, a nwyddau masgynnyrch yn dibynnu’n drwm ar longau o bob math. Mae’r casgliad yn dathlu cyfoeth y safleoedd archaeolegol ac adeiladweithiau sy’n sylfaen i’n ‘treftadaeth môr’, ac sy’n cael eu cofnodi a’u hastudio gan y Comisiwn Brenhinol i sicrhau y cânt eu gwerthfawrogi a’u diogelu.